سواق التاكس
لما تكون مستعجل وعوز تنجز في مشوار معين تاخد تاكس اسرع من الاتوبيس وارحم كمان من الميكروباص الي بيقف كل نصف ثانية لو حس اني بس في واحد بيفكر يركب
المشكلة اني كل ما بركب تاكس بندم من اللي بشوفة اولا التاكس بقي مش فارق عن الميكروباص بقي عوز يقف لاكبر عدد من الناس طب فين الانجاز طب فين الخصوصية مهو انت بتركب تاكس لية بقي
كمان لو ربنا كرمك ومحدش ركب معاك في الطريق تبقي انت في ايد القدر يعني حالة التاكس مدهورة وكمان العجل مش بيتغير غير كل ميت الف سنة تقريب والفرمل طبعا شغالة بالعفية الخ...
يعني ربنا يستر عليك في مشورك ويا حلو لو نجيت من مخاطر الطريق يبقي هتخانق هتخانق علي الاجرة يعني المشور ابو ثلاثة جنية عوز تاخد فية 5 اوعشرة وارقام غريبة كدة
طب احنا لية بنركب التاكس العجيب دة ولية ساكتين علي السرقة في كل لحظة كدة يعني مطلوب مني اسكت علي سرقة سواق التاكس وبتاع الخضار وبتاع العيش وبتاع الفاكهة يعني الوحد علي الاربعين يكون خلص من كتر الخناق
انا مش عارف اعمل اية بس انا مش هركب تاكس غير في اصعب الظروف بس دة مش حل بس يمكن يكون حل لما كل حاجة تكون حولينا كدة بس اخير انا قرارت اني مش هقول هي جت علي التاكس لاء جت وبقول لكل واحد انت ليك دور وانا لية دور وكلنا لينا دور بس نحاول مرة واحد ناخد موقف نحاول مرة واحد نتصرف بشكل مختلف من غير انانية.
2 comments:
دي حالة من السلبية وصلنالها
والسلبية دي هتلاقيها ف كل حاجة
النظام هو اللي نجح يوصلنا لكدا
أنا مش شايفلها حل
يعني معتقدش الناس هتتحرك وتتكلم
خلاص ... الموضوع بقي أمر واقع
ومع اﻷسف صعب تغييره
أنا شخصيا ف أحيان كتير مش بسكت
يعني بشتغل بمبدأ إبدأ بنفسك
بتكلم وساعات أتخانق
اهو أطلع اللي جواي بدل ما أطق وأموت
تحياتي
بس اكيد في حل اكيد مش هنفضل كد علطول زي الاهرامات النايس تتفرج عليها انا مش عوز اكون مكتئب بس هحاول اصدق اني في حل
شكر ليك يا بيشوي اوي لاهتمامك بكتابتي المتواضعة
شكر
Post a Comment